台灣俗語鹹酸甜
1999.07
1999.07.30 嬴嬴kiau2 ，poah8 kah 輸輸去。
────────────────────────────
1999.07.21 一日食飽，做店仔撐。（一日食飽，算蠓罩目）
────────────────────────────
────────────────────────────
1999.07.08 囡仔會走，大人jiok kah ma3-ma3 吼。
────────────────────────────
1999.07.01 歹竹出好筍；好竹出ku- lun2 。
1999.07.30 嬴嬴kiau2 ，poah8 kah 輸輸去。
最近手氣誠bai2 ，常常leh 做輸兄，見扑見輸，連輸一禮拜，為著che ，翁仔某險險 仔起冤家，我怪牽手傷軟chiaN2 ，心肝無夠雄，m7-chiah hou7 對方有機會反攻；牽 手罵我傷過好勝，無夠軟韌，該守無守，硬beh 搶功，m7-chiah 時常「嬴嬴kiau2 ， poah8 kah 輸輸去」，有夠現世。
頭前e5 言語是leh 怨嘆扑球扑be7 嬴，m7 是leh 論kiau2 e5 技巧，poah8-kiau2 Siau,Lah-jih 是be7 曉，不過扑球是誠認真，阮是扑網球，teng7 式網球扑khit 來 誠紳士，雙打分兩旁，一組兩人，互相合作幫忙，一粒來，一粒去，啥人au3-sai2 出 界抑是扑無著，著是輸一分，連輸四分就換人開球，若是三比三jiuh-suh，beh 贏球 tioh8-ai3 閣連贏兩分，一局四分，六局算一盤。
阮是扑翁仔某組，一男一女總是技術be7 平均，阮chit 組是牽手卡gau5 牽球，殺球真 準可惜無力，我e5 球雖然卡強，m7-ku2 欠穩定，一球khau - - 落去，m7 是著網仔， 無著au3-sai2 ，真真氣死人；謝老師是前營底，球雖是軟軟無威力，不過截球神準， mai3 hou7 伊球上好，若hou7 伊截著，穩死無生，謝太太球路兇kai3-kai3 ，真歹 接，好佳哉定定au3-sai2 。
講khit 來就嚥氣，過去定定嘛贏- - In，m7 知按怎 ？chit 幾工攏一直輸kah be7 翻 身，其實m7 是技術差人傷濟，實在是家己扑bai2 去，翁某be7 會齊是上大e5 致命 傷。就親像今仔日下晡扑- - e5 chit 盤，五平了後beh 扑第六局論輸嬴，第六局阮已 經先贏三分，閣一分就勝利在穩，啥知一人khai 兩分，最後開球閣labuluh 雙失敗， 就按呢贏三輸五，結束球賽，輸kah 塗塗塗，你講會懊惱也be7？「嬴嬴kiau2 ，poah8 kah 輸輸去」，雖然m7 是輸錢，m7-ku2 定定做輸兄，實在khi-m¢-chih oa5-lui2。 ###
【註解】：
輸兄：師兄。／軟chiaN2 ：[軟弱無力]／teng7 式：[硬式]，m7 是（nge7-sek）。／ khai 兩分：像開錢按呢送人二分。
─Siau Lah-jih
1999.07.29 銀司m7 貪銀，餓死一家人。
有一e5 百萬富翁做人仁慈有疼心，無重男輕女e5 漢文化思想，六十歲hit 年伊已經生 八e5 查某囝，無半e5 後生，不過伊無怨嘆運命，無怨嘆天公無公平，猶原非常疼惜伊 所有e5 查某囝，m7 管已經結婚，抑是猶ti7 厝裡sai-nai 陪伴。
六十歲hit 年伊beh 做生日，為著beh hou7 伊八e5 千金歡喜，伊偷偷去金仔店扑八隻 金La7-poe （撈飛），beh hou7 In 永久紀念。伊特別chhoe7 一e5 手藝真讚閣有信 用e5 銀司，特別交代，金器著仝一e5 模樣，平大閣平sui2 ，重量m7-thang 偷，一定 攏著chiau5-chiau5 兩兩重才會使，一屑仔都be7 精差- - tit ，因為百萬富翁伊真 知，真知「銀司m7 貪銀，餓死一家人」e5 道理，所以伊閣特別提起，工資偌濟錢，做 你開嘴mai3 se3-ji7 ，著合我e5 要求上要緊。
生日hit 一工，八隻金La7-poe 做kah sui2-tang-tang ，閣有影那真e5 仝一款，逐隻 都平koan5 平大，八e5 查某囝攏免揀，一人提一隻，逐e5 歡喜kah ，攏感謝老父e5 疼愛，一直ka7 老父sai-nai 講哪m7 事先講hou7 In 知，老父當然嘛歡喜kah ，講： 若代先就ka7 恁講，按呢都無稀奇，嘛be7 凍看著恁這陣仔e5 歡喜，阿爸上愛看著- - e5 ，就是恁e5 笑神，希望- - e5 就是恁逐家攏會笑微微，taN 恁逐家閣看卡詳細， 看chit 八隻金La7-poe 猶有啥麼無仝e5 所在- - 無？
Ti7 歡喜鬧熱e5 生日宴會中，m7 但主人家一家大細leh 輕鬆講話，厝邊隔壁、親成朋 友嘛leh o-lo2 好額人e5 好命慈悲，欣羨做伊e5 查某囝實在真福氣…
突然間，「阿爸！hou7 我發現一e5 無共款e5 所在？」
無共款？叨位無共款？ka2 奇！
「阿爸！你m7 是講一隻兩兩重，chit 隻才一兩九錢！hit-e5 銀司有問題？」
「銀司m7 貪銀，餓死一家人」，m7 煞變慣習，明明ka7 你來交代，你猶是用chit 步 來ka5 （ka7 我）騙，實在be7 使chit 容允- - 你。另外hit 七隻敢猶有偷工減料- - e5 ？
「阿爸！無- - lah ，kan-na7 chit 隻- - nia5 」
講百萬富翁做人仁慈有疼心，就是按呢，雖然被騙hou7 人懊惱，m7-ku2 天光日伊提八 kha 金器beh 去kap 扑金仔師傅議論，伊煞臨時改變主意：
司- - e5 ！明phin2 ti7 頭前，你哪會無正經，八隻金La7-poe ti7 遮，叨一隻是無 夠分量，你指hou7 我看！
ah8 有可能，he 攏真功夫做- - e5 ，雖然欠一錢，無用天平秤，kan-na7 用目睭看， 是無法度分辨，攏是一時siau2 貪，歹勢啦！beh 罰hou7 你罰，罰外濟，我攏無反 悔，是我e5 不是，甘願受罪。
看你古意，無ka7 汝懷疑，taN 你也chiah 誠意認m7 著，ka5 （ka7 我）會不是，我 無beh kap 你計較，taN，出一e5 難題hou7 你花，你若排解會好勢，代誌自按呢 hhe2 ，mai3 閣會；若是無計thang 排解，hit kha 無夠重量- - e5 ，就無beh 算錢 hou7 - - 你。
題目是按呢：你kan-na7 會使chit 用天平秤兩擺，就ai3 揀出hit 隻欠一錢重e5 La7-poe。限時一點鐘。
傷腦筋e5 時間，請朋友恁嘛ka7 銀司tau3 解決，度一e5 難關，挽回伊e5 底蒂信用！ ###
【註解】：
銀司：gin5-sai，[金銀匠]／銀，人：gin5，gin5 （jin5）／La7-poe （撈飛）：[黑 面琵鷺]／ka2 奇：[會如此奇怪？]／容允：允准，原諒。／明phin2 ti7 頭前：[明白 約定在前面]／ah8 有可能：哪有可能。／ah 有可能：抑有可能，嘛有可能。／siau2 貪：貪小便宜。／自按呢chhe2 ：[就此打住]
[解答]：第一擺：一旁三隻、三隻，若平重，就是另外hit 兩隻，第二擺秤，當然答案 隨知；若是第一擺秤- - e5 無平重，輕- - e5 hit 三隻閣掠兩隻來秤，若無平重，當 然知影答案，若是平重，當然是猶hit 隻是答案。
─Siau Lah-jih
1999.07.28 掃著風颱尾仔。
風颱若ui3 台東登陸，對西台灣卡be7 妨害，因為有中央山脈e5 把守，中部所在大部 分攏「掃著風颱尾仔」- - nia7-nia7，災害無濟，m7-ku2 台北、宜蘭就有夠 lian5-hoe5 ，m7 是厝倒樹倒，就是做水災，淹kah 厝尾頂，損失真厲害。
若照按呢講，「掃著風颱尾仔」m7 著無啥要緊e5 款？he 嘛無一定，有當時仔大風颱 帶來e5 外圍環流，kaN5 真濟雨雲水氣，帶來超濟e5 雨水，造成e5 災害，定定比風颱 猶閣卡嚴重，特別咱台灣e5 山坡地開發kah 傷傷重，傷無臭無siau5 e5 情況下，水災 比風災閣卡使人驚。
現實e5 生活中，「掃著風颱尾仔」e5 機會嘛常常拄著，hit 日taN5 ui3 外口踏入 門，歹運tng7 著牽手leh 教示後生，tng-ti7 風火頭，氣chhoah-chhoah，是我疼子傷 過分，無分是非，m7 知影底係，就ka7 太太插嘴，m7-thang 按呢嚴格教囝，結果如 何，結過婚e5 男女攏嘛知，定著無好聲嗽「掃著風颱尾仔」，參你罵參落去，che是翁 某教囝無一致e5 戰爭。
無張持「掃著風颱尾仔」beh 按怎？上好m7-thang beh 論輸嬴分著m7 著，衰siau5 去 「掃著風颱尾仔」，吞忍一下，liam5-mih8 就過去，風颱若過了，回南嘛liam5-mih8 到，這是一定e5 道理。###
【註解】：
kaN5 ：[夾帶]／傷傷重：siuN siong-tiong7。／無臭無siau5 ：無理無由。／教示： 教訓兼示範。／tng-ti7 風火頭：[正在風頭上]／底係：[底細關係]
─Siau Lah-jih
1999.07.27 風颱做了，才回南。
小王- - e5 ！歹勢啦，tu2-chiah 實在有影卡chhong2 -pong7 ，m7 知頭嘛m7 知尾， kan-na7 聽人講一e5 影就生一e5 囝，對你來誤會，閣對你來phi-phi phe3-phe3，抑 無hou7 你辯解，嘛無hou7 你回話，做一睏仔ka7 汝消毒，ka7 汝諷刺 ge -se2，正 khau 倒削，閣罵閣詈，你攏無應kah 半句話，hou7 你有夠委曲，taN ka7 汝會失禮 啦- - houhN1 ！『對不起』 ！歹勢閣失禮！望你赦罪，mai3 記小人話！
TaN 你是leh 「風颱做了，才回南」- - sioh？罵to 罵了，詈嘛詈過，逐家是老兄 弟，誤會總是難免，計較beh-ni5！台灣風颱，做了有回南，che 是正常，若無回南， 就無彩咱兄弟半世人。
台灣！美麗e5 Formosa 有影真美麗，可惜風颱有卡厚淡薄- - a3 ，七- - 月來有卡 早，九- - 月來有卡晏，八- - 月是正當時，1958年e5 前後，發生e5 八七kap 八一， 攏ti7 八月時，ui3 恒春一帶登陸，盤過中央山脈，來到中台灣彰化所在，代先是吹北 風，sng3-sng3 叫，厝倒樹落葉，驚惶過一暝，天光煞恬chut-chut，阮囡仔歡喜kah 笑but-but，四界罔巡，想beh khiok 看有好sng2 e5 物，抑是khioh-tioh8 落落來e5 果子thang sut （食 qsut ），大人上知害，因為回南e5 風颱liam5-mih8 來，無的確 閣卡厲害。
其實風颱e5 厲害，kap 回南無一定有關係，風颱e5 大細強弱，登陸e5 地點，當然是 災害e5 重要因素，m7-ku2 有時仔風災無礙，外圍環流造成e5 水災才是連天叫哀。會 記得十二年前hit e5 韋恩風颱，伊是ui3 濁水溪口chiuN7 陸，順溪埔仔直掃阮田中、 二水、社頭一帶，雖m7 是大風颱，嘛無回南，卻是hou7 伊kiat 一下東倒西歪。
風颱e5 範圍誠闊，看伊對叨來，中心點ti7 叨位，若是正衝e5 所在，一定先吹北風、 然後進入風颱目風勢暫停、尾仔才來回南，過程一步一步攏總來。原來台灣e5 位置ti7 北半球，風颱ui3 南洋起因，一般行西北向，風颱leh 絞是倒絞e5 絞螺仔風， m7-chiah 北風會代先到，然後tng7 著風颱眼，煞尾當然是回南e5 南風，che 是比較 卡完整e5 風颱過程，若是邊- - a phiat - - 著，掃著風颱尾，就無定著有回南。###
【註解】：
chhong2-pong7 ：／phi-phi phe3-phe3 ：[淅瀝嘩啦]／晏：oaN3。／khioh-tioh8 ：拾著。／落落來：lak8-loh8-lai5。／thang sut ：可以[食]（客語）／liam5-mih8 ：馬上，隨時。／倒絞：[左旋]
─Siau Lah-jih
1999.07.26 四兩ng2-a2 ，無除。
「趙老師！你e5 手按怎- - hiouh1 ？」
裝傷啦！舊年e5 老症頭閣復發，無餬擋be7-tiau5 ，痛tiuh-tiuh。
「Ah taN 球m7 著be7 扑得- - a3 ！」
都是按呢m7 siaN2 ！
「抑是按怎會kiat kah chiah 厲害？照看無歇睏- - 半年是be7 准過！」
抑有法度？攏ai3 怪家己m7 認份，「四兩ng2-a2 ，無除」，食老m7 認老，偏偏beh kap 少年- -e5 拚，拚kah 誠爽快，m7-ku2 拚了才知代，手後khiau 酸閣痛，球杯仔 若甩落去，隨時痛tiuh-tiuh，be7 堪得閣用力，不得已，著歇- - 一暫a3 。
「趙老師，你是kah siang5 （啥人）輸嬴？」
to7 hiah-e5 讀體專e5 學生啦！
「莫怪，有影是你家己「四兩ng2-a2 ，無除」，無認份。論心理，人m7-thang 認老， 食kah 老，學kah 老，是終身學習e5 原動力，若比體力，有影食老哺無土豆，有卡 輸，千萬m7-thang 定定想beh kap 少年人拚，拚了過頭，才來哀哀chap8-chap8 喝救 命，he 就老lian5-hoe5 - - lou3 ，後擺卡mai3- - leh！」
家己e5 弱點著檢驗，m7-thang 認輸，嘛m7-thang 逞強，親像生理人，秤物件，除了 秤頭ai3 有夠以外，貯物件e5 ng-a2 ai3 會曉家己除掉，才be7 hou7 人誤會你siau2 貪。生理人「四兩ng2-a2 ，無除」是貪人e5 錢財； be7 堪得傷做be7 堪得加食e5 人，煞來「四兩ng2-a2 ，無除」貪做貪食，可能會損害身體；若是為著貪虛名，個人 e5 學歷、才華、地位…種種kap 人be7 四配，閣硬beh kap人交陪論koan5 低，he 嘛 會hou7 人ge-se3 講「四兩ng2-a2 ，無除」，he 就真歹勢。###
【註解】：
四兩ng2-a2 ：ng2-a2 e5 重量大約四兩重。／無餬擋be7-tiau5 ：[不敷藥受不了]／ 都是按呢m7 siaN2 ！：[就是如此，不是又是什麼？]／手後khiau ：[肘關節]／球杯 仔：[球拍]／逞強：theng2-kiong5。／siau2 貪：[貪小便宜]／ge-se3 ：諷刺。
─Siau Lah-jih
1999.07.23 閒到掠虱母相咬。
歇熱已經歇去半月日，昨昏tng7 著吳老師，看伊憂頭結面，m7 知影leh 操煩啥麼代 誌，一屑仔攏無笑神。
「吳老師，有去叨位chhit-tho5 - - 無？」
無- - a3 ！
「有leh peh 山運動，抑是kap 人唱歌la7 曲？」
無- - a3 ！
「ah 無，敢有leh kap 人sng2 笑仔，扑- - 幾雀a3 無？」
無- - a3 ！he 早就改掉- - a7！
「ah 無！是leh 無閒囡仔e5 代誌，抑是leh sng2 股票？」
無- - a3 ！囡仔大漢m7 免咱費氣，麻雀都m7 敢i7 - - a7，he 股票哪敢khap - - 伊 ！
「抑無，lo3-lo3 長e5 歇熱日子，你是leh 按怎過？」
無- - a3 ！『英英美代子』啦，「閒到掠虱母相咬」而已，poah8-kiau2 無愛，運動 無趣味，囡仔代誌m7 免chhap ，讀冊傷精神損目睭，出門傷thiam2 ，出國著開錢，只 好閒閒無代誌做，m7 是看報紙，就是看電視，閣來就是「掠虱母相咬」。
「奇怪？歇熱chiah-nih8 好，你哪be7 曉安排chhit-tho5 ，抑是進修出國看光景？」
都是按呢- - m7！老就輸，toe3 be7 著時代，家己生活閣頇慢安排，有上班e5 日子卡 好過，一下免上課煞感覺gai7-gioh8 gai7-gioh8 ，aih！
『英英美代子』，「閒到掠虱母相咬」e5 日子，敢有影chiah-nih8 歹過？有經驗過e5 人才會知，所以講無閒才是福，有工課做e5 人上好額。###
【註解】：
m7 敢i7 ：[不敢玩]／khap ：磕，接觸。／lo3-lo3 長e5 歇熱：[漫長的暑假]／『英 英美代子』：閒閒無代誌。／傷thiam2 ：[太勞累]／gai7-gioh8 ：[彆扭]
─Siau Lah-jih
1999.07.22 西北雨，落be7 過田岸。
早起六點半，日頭已經浮上山，門口埕hit 三四堆像山e5 粟堆，已經坦平耙leng5 leh 曝日，向望今仔日e5 日頭赤炎炎，曝kah 日頭落海晉前，看有thang 鼓粟入倉- - 無，若閣來一陣西北雨，可能tioh8-ai3 延chhian5 到後- - 日。
柱仔內仝竹圍- - e5 七八e5 查某人，互相放伴曝粟、趕雞仔鳥仔、搖囡仔兼煮食，查 甫人攏ti7 田裡割稻，無閒chhih-chhah 曝kah 汗那流，In liam5-mih8 tioh8-beh 轉 來擔點心，be7 赴人食是做無工課…
「五嬸- - a3 ，你好心囡仔ka5 （ka7 我）搖- - 一下，鼎tng-leh 滾，是行be7 開 腳- - 咧！」
「大姆- - o7 ，chiah-e5 草hiuN7 幫我jiau3-jiau3 - - leh ，無hou7 囡仔食奶 be7 使chit ，傷枵去a3 ！」
「A-jih - - e5 ！卡緊來tau3 趕雞仔！」
「粟擔閣轉- - 來a3 ！逐家來 tau3 jiau3 粟，jih- - e5 ，來一下，chit 隻稻蝦 hou7 - - 你。」 無閒，時間過了特別緊，一目nih 已經下晡時二點外。
無張無持：
「卡緊咧！逐家緊出來- - ou3 ，大耙，小耙攏總sa ，囡仔卡緊koaN7 稻草，西北雨 ti7-beh 到，大姆二姆恁ka7 看，西南天烏一爿，無卡緊收會收be7 赴。」
「有影to-tioh8，烏腳西南liam5-mih8 到，我看今仔日恁chiah-e5 粟仔是be7 鼓 得。」
chim-chim 耙chim-chim 會，一目nih 仔粟堆堆像山，囡仔兄囡仔姊，閣那leh 走相 jiok ，蹤kah 誠歡喜。
「稻草tioh8 蓋卡好勢咧，若hou7 水涉入去，粟仔若發芽就無彩咱leh 拚，天公疼戇 人，天公伯- - a3 ！你就m7-thang 落傷久！」
無十分鐘，粟仔成山kham3 好勢，斤外重e5 雨滴隨時到，phih-phih 噗噗落十外分 鐘，霎時來，霎時停，雨過天青，「逐家來- - ou3 ！閣來耙粟曝粟，看會凍曝過 - - 無！」
西北雨，直直落，鯽仔魚，beh 娶某。
鮕鮐兄，拍鑼鼓，媒人婆- -a 土虱嫂，
日頭暗，chhoe7 無路，趕緊來，火金姑，
做好心，來照路，西北雨，直直落。
西北雨，直直落，白鷺鷥，來趕路。
poaN5 山嶺，過溪河，找無岫，跋一倒，
日頭暗，beh 怎好，土地公，土地婆，
做好心，來chhoa7 路，西北雨，直直落。 (台灣童謠)
「西北雨，落be7 過田岸」e5 奇景，tioh8-ai3 田裡曠野才看會著，霎時來，霎時 去，是伊e5 特色，嘛有he 頂坵落kah hou7 人戴瓜笠moa 棕簑，下坵卻是無半滴。 上稀奇閣趣味- - e5 ，就是細漢讀冊時，下晡放學beh 轉去，行到半路tng7 著烏腳西 南beh落西北雨，因為無穿雨幔，ko2-put-ji7-chiong 半行半走，走hou7 雨jiok ，走 到厝內，雨嘛jiok kah 門腳口，雖然phiN7-pheN7 喘，規身軀閣乾鬆乾鬆，連一滴雨 霎仔都無lam5 ，「西北雨，落be7 過田岸」，che 是事實，m7 是leh 講怪奇。###
【註解】：
耙leng5 ：[耙成一隴一隴]／落海：西台灣是日頭落海。／鼓粟：用風鼓鼓粟仔。／ tioh8-ai3 延chhian5 ：需要拖時間。／柱仔內：仝祖公- - e5 。／仝竹圍：[同院 內]／liam5-mih8 ：[馬上][一下子]／草hiuN7 ：粟仔以外e5 雜稻草幼仔。／ jiau3-jiau3 ：[耙一耙]／稻蝦：[螽斯的一種]／sa ：[抓取]／chim-chim 耙 chim-chim 會：[邊耙邊談論]／kham3 ：[蓋]／lam5 ：[淋]
─Siau Lah-jih
1999.07.21 一日食飽，做店仔撐。（一日食飽，算蠓罩目）
「Hou2 ！你這個囡仔！又閣來ti7 遮leh 做店仔撐！害我chhoe7 規晡，人e5 店仔be7 倒去啦！」
「阿爸！人習題寫了- -a3 neh ？」
「寫了就會使做店仔撐- - hiouh1 ？來去田裡tau3 khau 草，囝仔人m7-thang 貧 惰。」
「ng5 ！人無愛去啦！」
「莫怪恁阿媽講：囝仔人讀啥冊，愈讀愈貧惰！果然無錯，好佳哉恁阿媽過身 - -a3 ，若無，讀冊？做你免siau3 想。行！來去khau 草，卡kut-lat8 - -leh ，才 beh hou7 你讀冊。」
永過庄腳店仔，除了提供日常煮食日用品kap 薰酒、囡仔物以外，閣兼有休閒、 pho3-tau7 話仙、參詳討論e5 功能，所以作穡人工課若做煞，攏會來店仔頭行行看看 咧，買物、聽news，破甘蔗、poe7 虎鬚 ，若有代誌beh 參詳，抑是有老歲仔beh 講古 hou7 人聽，逐家著會坐tau2 久，大多數kut-lat8 扑拼e5 農夫，攏m7 敢坐傷久，第 一愛做工課，第二驚人phe2-siuN3 是「店仔撐」，he 著是貧惰人e5 另一種語言。
「做店仔撐」，老人kap 囡仔上蓋heng3 ，老歲仔人會凍『倚老賣老』，囡仔人上愛聽 大人畫仙pho3-tau7 ，除了chit 兩款人，猶有一款「一日食飽，做店仔撐」e5 au3 少 年，十七八歲e5 少年家，三四十歲e5 叔兄輩，一日食飽無代誌做，tiam3 店仔頭kek 戇話，ka7 店頭家交關- -e5 真少，m7-ku2 店仔頭一工無看著伊，閣會感覺礙謔 gai7-gioh8 。
奉勸少年囡仔兄，做人著扑拼，無代誌做m7 是好命，「一日食飽，做店仔撐」，嘛m7 是好名聲。###
【註解】：
店仔撐：tiam3-a2-theN3。／tau3 khau 草：[幫忙拔草]／過身去：去世。／永過： eng2-koe3，[過去]／坐tau2 久：看誰坐上久。／phe2-siuN3 ：批評諷刺，（批 相）。／heng3 ：興，趣味。／au3 ：腐。／kek 戇話：講戇話。／礙謔gai7-gioh8 ：[怪怪的]
─Siau Lah-jih
1999.07.20 有- - 兩步七a3 。
1958年，考入台中師範普通科，是一層歡喜事，歡喜將來會tang3 做老師。讀公費 theng3-a2 （thang-a2）減少阿爸負擔真濟錢，而且出業了後閣免央三託四，就有頭路 便便thang 趁錢，hou7 阮庄腳散鄉人看著Siau,Lah-jih ，攏嘛欣羨kah beh 死，一直 o-lo2 阮阿爸，恁囝哪會chiah-nih8 gau5 ，職業家己chhoe7 好好，開錢閣免hou7 你 操勞。
阮是讀beh 將來做老師，所以讀冊e5 科目kap 一般e5 高中職業學校無相仝，國文（中 國語文）真重視，嘛有一科國語，專門練習ㄅㄆㄇㄏ、ㄓㄔㄙ；美術、音樂阮上 au5 ，西畫國畫（毛筆畫）ai3 會曉；風琴phi-ah-noh 有研究，五線譜阮看有；上無 看重- -e5 是三角、幾何kap 英語，因為遮kap 國小學生『沒關係』；歷史、地理當然 著讀，見講攏是中國hit 旁e5 齣頭，啥麼周公文武一脈相傳，啥麼長江、黃河、烏龍 江，遮kap 咱e5 生活無關係，m7-chiah 時常讀kah chhut-chhe5，漏氣kah he5-he5-he5，真是見笑代，hou7 同窗- -e5 看kah 笑 hai-hai 。
畢業了後，轉來庄腳教冊，國校課程是包班制，會用得講十八般武藝，逐項攏tioh8 會，好佳哉師範學校已經教阮濟濟，雖然三年短短，學會曉- -e5 無外濟，m7-ku2 騙 囡仔e5 功夫，濟少攏嘛有，講北京語「有- -兩步七a3 」；教算術？beh 考師範晉前 就學會；教唱歌著彈風琴，阮嘛「有- -兩步七a3 」；教畫圖、寫毛筆字「有- -兩步 七a3 」絕對無問題；chhoa7 學生chhit-tho5 上體育，簡單無比…
總講一句，師範課程是通才教育，beh 做國小老師，著愛十八般武藝，件件皆能，雖然 m7 免偌精，上無嘛ai3 「有- -兩步七a3 」，才會使chit 徛tiam3 台仔頂，m7-chiah 師範e5 老師，教阮hiah-e5 功課只是半籠師e5 知識。過去半籠師hou7 人o-lo2 kah tak 嘴舌，現此時半籠師tan3 掉可以，因為愈來愈濟e5 少年輩老師，m7 是大專，著 是師院，m7 但有學士專精，閣有碩士專門，分科愈細，學術愈精，這是好現象，嘛是 時代e5 趨勢，阮chiah-e5 LKK e5 師範生，好退休- - lou3 ！###
【註解】：
央三託四：iang-saN thok-si。／操勞：chhau- lo5 ，操煩。／一脈相傳： chit8-meh8 sio-thoan5。／chhut-chhe5 ：[出差錯]／騙囡仔：[哄騙]m7 是真騙。／ tan3 掉可以：[可以放棄]／LKK：lau7-khok-khok。
─Siau Lah-jih
1999.07.19 米甕仔弄lau5 。
弄lau5 是啥麼？年紀四五十，抑是庄腳人，可能bat khoaiN3 （看見）過，人leh 做 喪事，倩司公來念經，倩道士來引魂，以外猶有一項看鬧熱e5 齣頭，簡單- - e5 由道 士仔弄鐃鈸做gi7-niu7 ，意思是欲hou7 喪家小thau2 放一下心情，mai3 hiah 鬱卒。 若欲卡chhia-iaN7 ，展現序細甘開甘舞la7 e5 孝心，就倩he 專門技術e5 師傅，弄椅 弄桌無夠看，弄hit-lo7 peng2-lian3 狗仔，倒頭栽弄瓷仔涵缸，che 就叫做弄lau5。
「米甕仔弄lau5 」，夭壽，又閣無米- - a3 ，無米be7 曉煮蕃薯湯，蕃薯湯食點心是 be7-bai2 ，m7-ku2 若beh 做正頓，恐驚對身體會損，嘛無氣力thang 掘thang 扛。
「米甕仔弄lau5 」e5 心酸，三siap 年前e5 代誌，老父一人做kah 三四分地，一冬收 成嘛才兩千幾斤，iah8 -beh 田租，iah8 -beh 肥料、播田、割稻仔e5 工錢，阮作- - e5 是放領地，田租比三七五閣卡濟，納納還還咧敢chhun 有一千斤，粟絞做米m7 知影 閣tioh8 蝕幾斤？一家口仔chiaN5 十e5 ，beh 食六個月，taN5 割稻hit kou2 月，清 米飯食be7 畏，尾仔兩個月，「米甕仔弄lau5 」是常事，厝邊頭尾借透透，為著腹肚 枵，敢會使chit 呣tim3 頭？
「米甕仔弄lau5 」，講hou7 阮後生查某囝聽了後，In 煞嘴仔ngi-ngi ，頭殼搖咧搖 咧，『不知道』 就是『不知道』。###
【註解】：
鐃鈸：na5- poat8 。／倩：chhiaN3，[雇]／gi7-niu7 ：趣味消遣。／thau2 放：透 氣解放。／chhia-iaN7 ：[熱鬧愛現]／甘開甘舞la7 ：[捨得花錢，捨得]鬧熱。／ peng2-lian3 狗仔：[翻筋斗]／瓷仔涵缸：hui5-a2 am5 -kng。／夭壽：iau-siu7， [糟糕]／正頓：正餐。／會損：e7-sng2，會損害。／三siap 年：三四十年。／作- - e5 ：choh- - e5 ，作田（choh-chhan5）m7 是做田（cho3-chhan5）／放領、三七五 ：公地放領、三七五減租。／還：heng5。／粟絞做米：[穀子碾成米]／蝕：sih8。／ taN5 ：[剛剛]／嘴仔ngi-ngi ：[傻笑]
─Siau Lah-jih
1999.07.16 魚hoan7 魚，蝦hoan7 蝦。
老兄弟，he 報紙寫he 李總統：R.O.C kap P.O.C 是兩e5 國家，到底是啥意思？講啥 麼碗糕？哪會sa 攏無！
Ah he 就是講有兩e5 國家是無仝國- - e5 啦！
人煞m7 知影是講兩e5 國家，我是leh m7 知影R.O.C kap P.O.C是哪會kap 咱總統有關 係？ ah8 煞be7 曉家己看，報紙m7 是ti7-chia。
Kah 若看有hiah-che7 ，ah8-sai2 ka7 汝問。
歹勢！he 我嘛m7-bat 外濟，ah ！老師來- - a3 ，咱來問老師。
老師！che R.O.C kap P.O.C 是啥意思？
「hou3 ！R.O.C 就是中華民國，P.O.C 就是中華人民共和國。」
Ah 按呢我知- - a，就是李總統講中華民國kap 中華人民共和國是無仝國- - e5 。
Ah che m7 是逐家早就知影e5 代誌，「中國是中國；台灣是台灣。」
m7 是按呢啦！m7-bat ，就mai3 choaN3 。你無聽老師按呢講：R.O.C 就是中華民國， P.O.C 就是中華人民共和國。
Ah 中華民國m7 就是台灣，台灣m7 就是中華民國，膦pha m7 是pha 膦，pha 膦m7 是 膦pha，你敢m7-bat 聽人講過，「台灣是台灣；中國是中國」，共款意思啦！
唉！有影，你bat 卡濟，照按呢ka7 看，李總統e5 意思m7 著是認為In 中國kap 咱台 灣無牽礙- - lou3 ！
著！著！著！thap 一句俗語來講，著是「魚hoan7 魚，蝦hoan7 蝦」，台灣kap 中國 e5 關係是「台灣是台灣；中國是中國」，「魚hoan7 魚，蝦hoan7 蝦」。
早前人講「一人一家代，公媽隨人祀」，m7 著又閣be7 通？
「一人一家代，公媽隨人祀」，he 是講兄弟分開食，冤家計較講e5 氣話，ah In 中華 人民共和國根本就m7-bat kap 咱台灣有牽礙，當然是「魚hoan7 魚，蝦hoan7 蝦」， 愛分hou7 好勢。###
【註解】：
魚hoan7 魚，蝦hoan7 蝦：[魚是魚，蝦是蝦]／ah8 煞be7 曉：哪be7 曉？／Kah 若 ：假使若。／hiah-che7 ：[那麼多]／ah8-sai2 ：何必。／mai3 choaN3 ：[別臭屁愛 現]／膦pha ：[陰囊]／thap 一句：套一句。
─Siau Lah-jih
1999.07.15 淡水魚，入鹹水港。
海基會副董事長許惠祐，七月初六去民進黨「中國政策會報」演講「兩岸歷年談判e5 經驗kap 決策模式」。
演說中，許惠祐一再強調伊到民進黨來是「淡水魚，入鹹水港」，立場歹徛，恐驚惹起 誤會，伊是國民黨員，閣是ti7 半官方e5 海基會工作，來到全國上大在野黨民進黨e5 中央黨部，因為兩岸關係敏感，閣tng7 著2000年總統選舉e5 拚場tng-leh 熱 phut-phut，欲講e5 話題，定著會引起議論。
其實che 應該m7 免掛慮，逐家攏是台灣人，攏有台灣心，若將中國是中國，台灣是台 灣，分hou7 清楚，thai2 會惹問題？台灣本成著是海洋國家，chiaN2 水、鹹水常常嘛 lam7 做夥，溪口e5 潮間帶，魚蝦海產攏嘛淡水鹹水kheh-kheh 做同齊，和平做夥，鰻 殺目仔有chiaN2 水- - e5 ，有鹹水- - e5 ，烏魚佇海洋是烏魚，若泅khit 來淡水著 是烏仔魚，鮭魚欲傳後代，一定m7 驚艱難，溯水而上，chiuN7 山去生湠，啥麼「淡水 魚，入鹹水港」，對咱台灣來講是無啥麼thang 驚惶，何況國民黨、民進黨攏是愛台灣 e5 黨，黨是無仝，為台灣扑拼e5 心是仝心肝，許惠祐，做你免驚。
不過，許惠祐兄弟，你若是欲kap 中國仔搬hit 齣訪問來訪問去e5 老『問題』 ，你著 se3-ji7 ，he 才是原本「淡水魚，入鹹水港」，身陷絕地歹處理e5 原意，請你一定愛 堅持「台灣是台灣；中國是中國」，「魚hoan7 魚，蝦hoan7 蝦」，m7 是一e5 中國， m7 是一國兩制，按呢才be7 去hong5 sop8 去。###
【註解】：
許惠祐：khou2 hui7-iu7。／兩岸：liong2-gan7，nng7-hoaN7 。／模式：bou5-sek。 ／chiaN2 水：淡水。／thai2 會：怎會。／潮間帶：tiau5-kan tai3。／kheh-kheh 做同齊：[擠在一起]／鰻殺目仔：虱目魚。／鮭魚：ke-hi5。／溯水：sok-chui2。／ chiuN7 山：上山。／se3-ji7 ：小心。／sop8 去：食去。
─Siau Lah-jih
1999.07.14 允--人，卡慘欠--人。
有一e5 基金會對推動本土文化誠用心，邀請Siau,Lah-jih 開一e5 台語讀寫班，招生 結果有二十幾e5 來報名，可見對本土文化關懷e5 人猶是be7 少，對台語文有興趣想 beh 學e5 人嘛真濟。報名e5 朋友講：學台語學台文實在有必要，可惜m7 知影beh 叨 位學，beh kap 啥人研究討論，chit-mai2 有基金會beh 來免費開班，閣有蕭老師願意 犧牲時間來傳授，實在hou7 人感心。
開班hit 一工，董事長致歡迎詞了後，就將教學、教材e5 準備工課交代hou7 Siau,Lah-jih 全權處理，因為上課時間排ti7 暗時，基金會e5 工作人員無方便，煞連 鎖匙kap 點名e5 額外工課攏放hou7 我負責，taN 真正有影是學校長兼㳜鐘仔----總 貿。
開課第一節，話頭踏晉前，基金會有交代，上課照步來，若是缺課三擺，歹勢！保證金 著愛自動捐hou7 基金會，che 是為著鼓勵逐家照起工，認真來，有掖籽才有thang 挽 菜，mai3 chhin3- chhin3 chhai2-chhai2。
老師！若是臨時有代誌，敢會凍放目kheh -a2 ，mai3 hiah 硬斗，限制三擺就三擺 - -無？
歹勢！che .我m7 敢做主張，本成點名chit 件事是基金會家己愛做- -e5 ，為著方便 拜託鬥相共，既然答應，著愛照步來，人講「允--人，卡慘欠--人」，信用問題，m7 是『不通人情』。做老師，Siau,Lah-jih 上無愛kap 學生為難作對，請逐工諒解。咱 taN 來開始，逐家攏是有趣味才來，請恁用心ka7 聽看覓，趣味e5 台語，好聽e5 鶴佬 話，參有智慧e5 台灣俗語，包領恁聽kah 笑 hai-hai ，以後講咱e5 母語就會自在， be7 閣大耳hong5 煽動m7 知，講咱e5 台語無水準，m7 是chhoh-kan3-kiau7 ，著是五 四三，母語是咱阿母阿媽e5 話，家己m7 講beh 期待啥人ka7 咱保留？恁講著m7 著！
「允--人，卡慘欠--人」，答應基金會beh 按呢做，當然著照步行，今年歇熱chit 層 工課算第一重要。
有人講chit 句俗語講了傷粗氣傷悲情，講是有影，m7-koh 咱ka7 斟酌想一下，beh 叫 生活ti7 悲情e5 台灣人祖先，講出雅氣閣無鬱卒e5 言語，敢be7 傷過笑詼。hiah-e5 bat 字e5 知識者，大部分攏toe3 統治者講hit-lo7 番仔話（非母語），chhun- -e5 無讀冊e5 戇百姓講beh 出心內話，敢有法度講hit-lo7 幼秀文雅e5 文明話？俗語反應 生活，「卡慘」e5 含意敢無比「可惜」卡入骨合味，「慘」了閣再「慘」，意思敢無 卡深入，欠錢愛還（heng5），天公地道，允--人比欠人錢閣卡要緊，因為你家己歡喜 來答應，當然著謹記在心，無用「卡慘」beh 用啥言語才會好聽文雅閣『傳神』，請逐 家來tau3 想看覓咧！###
【註解】：
鎖匙：so2-si5。／總貿：chong2- bauh8 。／缺課：khoat-kho3。／掖籽： ia7-chi2，[撒種子]／hong5 煽大耳：hou7 人煽大耳，hou7 人欺騙。／五四三：不三 不四，無正經。／歇熱：暑假。／hiah-e5 ：[那寫]／toe3 ：跟隨。／合味： hah8-bi7， kah-bi7。
─Siau Lah-jih
1999.07.13 瞞生人目，答死人恩。
穿開腳褲仔大漢e5 Lou2 - - chiang3 In 老父過身，享陽壽九十九歲，人o-lo2 講真 好命，做公閣做祖，乾仔孫幾若e5 ，訃音印紅色，連字姓燈嘛紅kong3-kong3 ，假那 leh 辦喜事咧。
因為Lou2 - - chiang3 kap Siau,Lah-jih 共款是gia5 香拜神- - e5 ，所以喪事m7 但有誦經團來做功德，出山前一工嘛有倩司公來做事，唸經懺、走赦馬、過奈何橋、擔 經…猶有五子哭墓、三藏取經、弄lau5 …真正啥麼齣頭都有。敢才按呢，閣有糊 hit-lo7 自動車、樓仔厝…講是beh hou7 亡者死了去西方卡快活，會凍ti7 天頂享 受，按呢囝兒孫才會過心，莫怪做司公e5 頭家o-lo2 講Lou2 - - chiang3 In 老父好 命，序細有孝，甘開甘舞la7 。
頭前有人o-lo2 ，m7-ku2 Siau,Lah-jih ti7 後面，耳h¢N 仔有聽矣人按呢 kan3-kiau7：根本都是leh 「瞞生人目，答死人恩」，全是- - 騙人e5 ，taN Lou2 - - chiang3 啥麼腳數，有孝無有孝siang2 m7 知影，啥麼In 老父leh 好命？m7 知e5 人叫是伊leh 好命，了解e5 人講he 不過是好名- - nia5 ，「瞞生人目」有， 「答死人恩」是無影。
心內替Lou2 - - chiang3 悲哀，嘛m7 知影beh 按怎替伊辯解？因為事實就是按呢，莫 怪人看了be7 自在。
「瞞生人目，答死人恩」，到底是按怎講？你ka7 看，hiah-e5 誦經做司（公）e5 齣 頭，除了¢-mi-tou7-hut8 ，m7 是穿衫chhin3-chhin3 chhai2 - chhai2 ，就是講話 無正經，扑lah8-liang5，笑 hai-hai ，無- - 著展功夫，哭悲哀，意思是beh tih8 你e5 錢：「有孝e5 序細有影真甘開，taN beh 過奈何橋，過橋所費卡濟無嫌，做恁 ka7 tan3-tan3 落來，ou-mi-tou7-hut8 ！」
做事e5 師父會啼閣會哀，siaN5 得孝男孝女ma3-ma3 吼，為著孝順五十、一千嘛有人 甘願tan3 落來，因為che 才是有孝e5 囝兒。
Beh 講講be7 了，你敢知？天光日出山送葬e5 陣頭有外chhia-iaN7 ，陣頭名mai3 講，kan-na7 排隊就排beh 一公里，聰明e5 你，「瞞生人目，答死人恩」e5 風俗規 矩，敢著按呢生？…###
【註解】：
瞞：moa5。／訃音：hu3-im。[訃聞]／假那：親像。／gia5 香拜神- - e5 ：傳統信 仰，非佛非道，亦佛亦道。／出山：出殯（pin3）／做事：做法事。／經懺： keng-chham3，經文。／弄lau5 ：有人講弄鐃（鐃鈸na5-poat8），其實m7 但弄鐃 - - nia5，猶有椅、桌、碗、盤攏會弄得。／過心：[過得去]，安心。／甘開甘舞la7 ：[捨得花錢，捨得熱鬧]／耳houN 仔：耳孔邊。／kan3-kiau7 ：[咒罵]／腳數：角 色，貨色。／有孝：iu2-hau3。／hiah-e5 ：[那些]／扑lah8-liang5 ：[講些風涼話] ／beh tih8 你e5 錢：[要你的錢]／tan3-tan3 落來：[丟下來]／siaN5 得：[引誘得] ／chhia-iaN7：出風頭hia5-pai 。
─Siau Lah-jih
1999.07.12 貪俗，買狗鯊。
貪，實在無好行為，卻是人人難得避免，貪生怕死、貪名houhN1 利，人心牛腹肚、無 錢薰大嘴吞，攏是leh 講人e5 弱點，siau2 貪無藥醫。佛家將貪瞋痴當做三惡道，m7 是無道理，可見貪e5 本質有外bai2 ，不過「貪俗，買狗鯊」chit 句俗語，卻是kap 貪字無關係，而且閣是過去散鄉人e5 可悲。
講起「貪俗，買狗鯊」chit 句俗語，又閣惹起細漢時e5 記智：
「魚- - eh ！買魚- - ou3 ！鰻虱目、花liang -a2 魚、草魚、鰱魚…嘛有赤鬃kap 鮫魶，魷魚、墨賊仔、大管蝦…蟳仔、毛蟹、粉蟯…應有儘有，隨在恁買…魚- - eh ！來買魚- - ou3 ！」
「振仔叔，你beh 買啥物？虱目魚好- - 無！一兩算你兩箍二著好！」
Chiah-nih8 貴，食kah-a2 好，he 花liang -a2 魚一兩外濟？
「箍二！」阮阿爸頭搖- - leh 搖- - leh。
敢有牛尿魟？「阿爸，he 牛尿魟hiang-hiang 有牛尿味，人無愛食。」
你chit-e5 囡仔- - lih ！ah 無敢有狗母梭？
「狗母梭魚，有啦！che hu2 做魚脯hou7 囡仔配飯be7-bai2 ，俗閣有額，一兩兩角半 著好！」
見擺都買狗母梭，攏m7-bat 買he 鰻虱目仔抑是花liang -a2 魚- - ou7 。
囝仔人bat che7 啥，有thang 食著好。
Che 是四十外年前e5 代誌，「貪俗，買狗鯊」，大漢才知影，m7 是阿爸牛pi 兼siau2 貪，實在是不得已，因為無錢。###
【註解】：
狗鯊：狗母梭魚。／貪瞋痴：tham.chin .chhi。／散鄉人：[窮人家]／記智：[記憶] ／食kah-a2 好：[能吃那麼好嗎]／牛尿魟：gu5-jio7-hang，魟魚。／hu2 ：[揉散變 細]／bat che7 啥：[懂個甚麼]／牛pi ：牛pi ，有入無出，[寒酸吝嗇]
─Siau Lah-jih
1999.07.09 一e5 囡仔，卡鬧熱過三e5 大人。
今仔日去表兄In 兜食神明攤，因為伊舊年poah8 著爐主，一年來大概有趁淡薄- - a3 ，加上庄腳人卡風神e5 關係，m7 但辦kah 誠chheN-chhau ，閣一睏辦kah 二十幾 桌。
人阮是親成，m7 是朋友beh hong5 請，所以開桌晉前點外鐘阮一家大細就到位，人講 「一代表、二代表，三代m7-bat 了了」，煞有影現拄現，表現ti7 眼前，m7 知是逐家 親成久無相chhoe7 ，見面扑一下招呼就無話無句，氣氛誠悶無意思，老- - e5 無話 句，少年- - e5 無熟似，m7 知影beh 按怎互相稱呼，鶴佬人e5 古意條直個性寫ti7 面- - lih，是謙虛？抑是se3-ji7 頇慢表示？
Tng 當逐家坐kah 無意無意e5 時陣，表兄In chau5-a2-kiaN2 kap 囝婿踏入門，手抱 一e5 紅嬰仔，後壁toe3 一e5 囡仔疕，歡歡喜喜，嘴仔笑gi - gi ：
「阮beh 轉來阿媽兜食chheN-chhau ，阿伯！恁嘛beh 食chheN-chhau …」
「m7 是阿伯 ，愛叫叔公！」
「叔公…！」
「chit-e5 叫姨婆！」
「姨婆…！」
「chit-e5 叫丈公！姑婆！」
「丈公…！姑婆…！」
好- - a3 lah ！chit-e5 囡仔哪會chiah 古錐chiah gau5 講話！
Ah ！你是阿和e5 chau5-a2-kiaN2 - - houhN1 ！足久無khoaiN3 - - a3 ！
是啦！阿伯！
heN3 ！阿鹿仔兄，咱嘛真久m7-bat 做夥，chit-ma2 好無？
猶m7 是共款，ti7 庄腳leh 做戇牛，食會飽，脹be7 肥，罔做仔罔做！
「阿公…！我唱歌hou7 你聽。」
「好- - a3 lah ，媽媽leh kap 阿公…講話，你去kap 阿姨sng2 。」
「好！」
chit-e5 囡仔誠活潑，閣誠gau5 講話，阿珍！你誠gau5 教示。
「無啦！有卡厚話，愛展寶！」
「阿公…！阮beh ham7 阿姨…chhit-tho5 ，你beh chhit-tho5 - - bo3 ？」
……
「一e5 囡仔，卡鬧熱過三e5 大人」，因為囡仔e5 純真無邪，製造氣氛，一時間帶動 歸客廳鬧熱滾滾，囡仔是家庭生活e5 活泉，有囡仔e5 家庭是幸福- - e5 ，有天真浪 漫e5 囡仔鬥陣，生活充滿喜樂充滿ng3 望，「一e5 囡仔，卡鬧熱過三e5 大人」，beh 培養天真活潑e5 小孩童，愛ui3 愛e5 教育開始。###
【註解】：
poah8 著爐主：用跋杯決定啥人做爐主。／爐主：負責廟寺一年燒金點火大細項代誌e5 負責人。／風神：愛展e5 性格。／一睏：一擺，一次。／人阮是親成：[人家我們是親 戚關係]／hong5 請：hou7-lang5 請。／現拄現：[真實，現成的]／相chhoe7 ：[走動 探訪]／chau-a2-kiaN2 ：查某囝，cha-bou2-kiaN2。／囡仔疕：小孩兒。／ham7 ： kap，[和]／
─Siau Lah-jih
1999.07.08 囡仔會走，大人jiok kah ma3-ma3 吼。
阮學年十二班，級任科任十五六e5 老師，三e5 超過五十歲，兩e5 猶未嫁娶， hhun- - e5 攏ti7 三十歲左右，閒e5 時陣，攏是leh 會In 兜心肝仔寶貝e5 tap8 -tap8 tih-tih ：
人阮阿嬌仔taN leh 學講話，真gau5 - - neh ，m7 但會曉叫ma-ma、pa-pa，嘛會曉叫 阿媽kap 阿公，我若下班轉去，一定tah 過來hoa5 抱，「ma、ma、ma、ma 叫be7 煞」，害In 阿媽kap 我諍講是leh 叫阿「ma2 、ma2 、ma2 …」，有夠好sng2 t ¢-tioh8 。
阮阿才已經六kou2 月，m7 但會曉坐，閣會曉爬- - a7 ，常常ui3 土腳兜爬khit - lih 膨椅頂，有夠無時閒，嘛hou7 我無閒chhih - chhih ，神經山絞kah an5-tong3-tong3 ，kan-na7 驚伊跋倒，嘛是真好sng2 。
阮阿佳仔- - houhN1 ，已經度晬- - a3 neh ，雖然是查某囡仔，m7-ku2 已經會曉 - - ou7 ，俗語講會行行晬一，be7 行行晬七，阮阿佳仔實在有影khiang3 ，m7 但會 曉行，閣會khok8-khok8-chong5 ，hou7 你掠be7 著，活beh chak - - 死，上歹 chhoa7 就是chit-e5 時陣，「囡仔會走，大人jiok kah ma3-ma3 吼」，有影歸欉好 好----無錯，jiok 罔jiok ，嘛是jiok kah 歡喜kah ，『有女萬事足』 ，嘻！
俗語嘛有一句話：「做母，三年白賊。」 嘛是有影t¢-tioh8 ，嘻！###
【註解】：
會：hoe7，會話，開講。／tap8 -tap8 tih-tih ：[零零碎碎，點點滴滴]／tah 過來 ：[投、送]過來。／hoa5 抱：hou7-Goa2-pho7。／ 有夠好sng2 tou-tioh8 ：[實在太 好玩了]／爬khit u5 lih ：[爬上去]／an5-tong3-tong3 ：[緊繃]／度晬： ou7-che3 ，[滿週歲] ／晬一：滿一歲一kou2 月。／khiang3 ：gau5 ，厲害。／活 beh chak - - 死：[簡直累死人]／chhoa7 ：chhoa7 囡仔[帶孩子]／ma3-ma3 吼：大 聲喝咻[叫苦連天]
─Siau Lah-jih
1999.07.07 司公haN2 死鬼。
升學競爭，自古以來就害死讀冊囡仔，害到誠苦慘，是近廟欺神e5 無自信，抑是大人 e5 面子問題，輸人m7 輸陣e5 競爭心理leh 作怪，囡仔beh 讀冊，無chhoe7 一間卡明 星e5 學校哪會使chit ，結果，家己厝邊e5 學校m7 讀，偏偏鑿枷家己gia5 ，m7 是駛 車就是騎ou-tou-bai2 ，每日甘願做牛做馬，m7 驚麻煩，m7 驚塞車，風雨無阻將囡仔 送去卡鬧熱e5 市內，從按呢，庄腳學校稀微無人愛，中心e5 學校人kheh 人，kheh kah 誠厲害。
Chit 款災害，有e5 鄉鎮已經覺醒，開始設分校beh 疏開一寡人來，有一e5 鄉鎮，新 設兩間新學校beh tih8 新老師，聽講乙校人人beh 去，甲校煞斷半e5 ，誠奇怪，兩e5 學校地點、環境條件攏差不多，哪會有chit 款e5 逆 ko5 ，詳細探聽才知有 iau5-gi5 ，甲校校址原來是塚仔埔，逐家驚鬼m7 敢去，原來著是按呢生，莫怪，人驚 鬼，有道理。
學校已經成立，頭已經洗，無剃be7 使chit ，有人開始建議，抑be7 曉倩司公來 giang-giang - - leh ，m7 著平安造化是，「司公haN2 死鬼」，有靈無靈不清在，人 心若安定上要緊，有信就靈，無信- - 者自然心正m7 驚鬼，攏無人會ka7 汝批評，che 是信仰，無人講按呢m7-thang 不可用。
司公beh 念經，天靈靈，地靈靈，傳統道教e5 教化，有伊e5 道理真深，m7 是外行人 會凍批評，不過世俗道理有e5 真怪奇，gia5 香e5 朋友，beh 信著愛信正信，beh 拜 著愛將神e5 慈悲愛心khng3 在家己e5 心內，做道士做司公e5 師父、恁若beh 做事、 beh ka7 人誦經超度亡魂，請你著展真功夫，一定著照步來，m7-thang chhin3-chhin3-chhai2-chhai2 ，罔giang 罔 i-o ，經懺烏白唸，笑詼罔囉嗦，按呢 就無正經。
「司公haN2 死鬼」， 是leh 瞞生人目，心理安慰，鬼是人e5 魂魄，人若死落去，魂 魄就散散去，m7 是閣去出世，就是成佛圓寂，閣講，kap 你亦無冤仇，無可能會kah 你ko5-ko5 纏。
「司公haN2 死鬼」，免haN2 嘛會使chit ，若有動著亡魂e5 所在，親像挖著墓仔埔， 挖著無主e5 骨頭，用慈悲e5 心情，倩道士司公來誦經，安慰亡魂，嘛安慰自己，按呢 已經可以。###
【註解】：
haN2 ：恐嚇，[嚇唬]／從按呢：從此以後就按呢。／kheh ：[擠]／疏開：sou-khai， 疏散離開。／斷半e5 ：[半個也沒有]／逆 ko5 ：[逆轉不順]／giau5-gi5 ： khi-khiau 懷疑，[蹊蹺]／倩：chhiaN3 ，[雇]／gia5 香：[拿香]拜神。／經懺： keng-chham3。／魂魄：hun5-phek。／無主：無人認- - e5。／誦經：siong7-keng。
─Siau Lah-jih
1999.07.06 溜溜鬚鬚，食兩蕊目睭。
表細-- - e5 ，又閣出來賣- - a ou3 ！哪會chiah kut-lat8 ，che 旺梨一日m7 著 hou7 你賣二三百斤？
有啦！生理bai2 e5 時- - 百外斤a2 ，若tng7 著歇睏日，三五百斤嘛bat 賣過，來！ 提兩粒仔轉去食，咱遮家己e5 ，山腳旺梨，雖然無teng7 ，有淡薄仔酸，m7-ku2 酸 lam 甜仔酸lam 甜，kap 別位e5 口味無仝著是無仝，chit 兩粒提轉去食看覓。
Ah chit-e5 所在m7 是be7 使chit 排路邊擔仔？tu2-chiah 才看警察leh 開罰單，著 se3-ji7 - - ou3 。排去hit 旁m7 卡妥當，免按呢驚驚hiaN5-hiaN5 leh kap 警察匿 相chhoe7 。
表大- - e5 ，恁做老師- - e5 攏卡老實，去排hit 旁- - ou3 ，一日嘛賣無五十斤， 啥人beh thiau-kang 行過街去遐買。
m7-ku2 若警察來咧！
警察來- - ou3 ！才走hou7 伊jiok ，安啦！親像阮chit 款做m7 成生理仔，儘靠嘛靠 chit 兩蕊目睭，人講「溜溜鬚鬚，食兩蕊目睭」，beh ti7 社會徛起，尤其是做chit 種有時間性、有地點性e5 生理，搶時間，佔位置足要緊- - e5 ，目睭愛金，腳手愛 猛，無著no sut 、食nai2 。親像頂幾年仔ti7 台北市西門町kap 人leh 喝俗貨，逐日 嘛leh kah 警察先生匿相尋走相jiok ，溜一下久，尾仔啥麼時陣警察會來，啥麼時陣 是趕真- - e5 ，啥麼時陣是放目kheh 仔，攏嘛掠kah 準準準，hiah-e5 警察老大- - e5 煞攏變做好朋友，he 是恁表細- - e5 m7 敢潦落去，若無chit-mai2 m7 已經是大 哥大- - e5 ？
江湖兄弟，做走水仔生理，排路邊，喝lin-long …社會beh 走 chong5 ，無像海底e5 魷魚、墨賊仔按呢「溜溜鬚鬚，食兩蕊目睭」，看m7 是勢，烏煙一下噴，越頭走kah 無看影是行be7 通。###
【註解】：
表細-- - e5 ：表小弟。／無teng7 ：[硬]？旺梨teng7 是水分濟閣甜。／匿相chhoe7 ：[捉迷藏]／jiok ：[追逐]／m7 成生理仔：小生理。／no sut 、食nai2 ：[沒得混] ／溜（liu3 ）一下久：[混久了]／放目kheh 仔：[睜一隻眼，閉一隻眼]／走水仔生理 ：走私生理。
─Siau Lah-jih
1999.07.05 目睭hou7 蜊仔肉糊去。
練習寫好勢- -e5 提來老師改…
吳嘉漢你又閣拚第一，m7 知影有斟酌檢查一遍- - 無？
m7 成猴，chit 擺閣攏著，無teng5-taN5 ，會o-lo2 - - chit ！
來，換潘佳慧，哪會寫kah chiah lo2-chho2 ，潦草快著會錯誤，tah ！你看遮，明明 題目寫：長2公尺，闊10 公尺，厚3公尺，答案哪會寫60平方公分？你- - ou3 著是 chiah-nih8 無跟心，『有看沒有見』 ，瓠仔看做菜瓜， 芭a2 看做蓮霧，按呢beh thai2 會讀會曉？閣去改hou7 好勢！
ou5 ！潘佳慧e5 「目睭hou7 蜊仔肉糊去」- - leh ，「目睭hou7 蜊仔肉糊去」- - leh ！
囝仔人m7-thang 胡白講，che 是潘佳慧無用心，看m7 著去。…
老師！潘佳慧leh 哭，哭講吳嘉漢罵伊青盲「目睭hou7 蜊仔肉糊去」。
He 是潘佳慧無小心，看m7 著kiat teng5-taN5 去，罵人青盲，無leh beh kap 人起冤 家- - 講？講人「目睭hou7 蜊仔肉糊去」是相罵話，m7-thang 隨便講，吳嘉漢趕緊去 ka7 潘佳慧會失禮，後擺逐家m7-thang 胡白講話，逐家攏是好朋友，攏是好同學，相 罵無好話，罵來罵去起冤家，按呢哪會好勢？潘佳慧，你嘛免閣哭，人吳嘉漢已經ka7 汝道歉，你後擺著卡se3-ji7 - - leh ，問題著看hou7 詳細，才be7 ¢-lou2-bok8-che3 ，teng5-taN5 到天差li2 地。###
【註解】：
目睭hou7 蜊仔肉糊去：蜊仔肉糊目睭，看著霧霧霧，界seng5 青瞑無[眼珠]／潘佳慧 ：phoaN ka-hui7。／lo2-chho2 ：潦草。／thai2 會：哪會。／青盲：chheN-me5， [眼瞎]／kiat teng5-taN5 去：[弄錯了]／會失禮：道歉。／¢-lou2-bok8-che3 ：隨 隨便便。
─Siau Lah-jih
1999.07.02 戲好看，蚵仔lau3 漿。
Beh 食蚵（o5 ），阮彰化王宮[王功]e5 蚵仔上蓋鮮（chhiN），現peh現ngiau2 上滋養，煮清湯、lam7 麵線好氣味，蚵仔煎、蚵仔捲好料理，食生蚵、蚵仔青jiok8 蔭豉著愛內行khui3 ，總講一句，哪有參蚵仔e5 料理，逐家定著sut kah 歡喜歡喜，beh 食生蚵，請恁來王宮免驚食無。
Beh 來王宮theng3-a2 坐大線，田中央落車換坐ba-suh 向西行，二林出西閣四khi-loh （Km ）半，抑是規氣家己駛車行西濱公路，鹿港落南、麥寮chiuN7 北攏連鞭到，若著ka7 人問路，會記得講ong5-keng ，若是看路標，漢字寫『王功』，m7-thang kiat m7 著。
聽阮台文讀冊會e5 林先生講：蚵仔現ou2 - -e5 上鮮，若是挖khit 來khng3 leh beh 賣，著愛浸tiam3 水底，m7 但be7 蝕重，閣會加斤兩，會凍加賣幾sian2 錢，che 叫做浸水蚵，雖然有影ka7 人phiN 淡薄- - a3，滋味猶原無走精。不過浸水著節時間，浸傷久無斬節，蚵仔膨脹傷厲害，肚若破，lau3 漿就be7 使，好滋味走了了，落喉歹食著無效，扑歹信用是無gau5 ，所以海口人為著生活，浸蚵仔技術一定 愛gau5 。
林先生閣講：細漢時愛chhit-tho5 ，heng3 看歌仔戲，為著看戲看到一半暝，浸蚵仔e5 代誌煞be7 記，轉去一定hou7 阿母罵「戲好看，蚵仔lau3 漿」，有影無責任，無跟心，chit-mai2 想khit 來感覺真歹勢，亦著因為阿母e5 教示，到kah chit-ku2 攏m7 敢放be7 記得，見擺做代誌就想起阿母講e5 chit 句俗語，「戲好看，蚵仔lau3 漿」，隨時就注心定，跟心be7 晃hiaN2 。阮老母m7-bat 字，卻是會曉用chiah-nih8 好e5 俗語ka7 囝教示，實在有影gau5 閣稀奇。###
【註解】：
lau3 漿：[漏漿]／jiok8 ：[揉、搓]／蔭豉：im3-siN7。／內行khuI3 ：[內行的]／sut ：食e5 客話。／theng3-a2 ：可以。／大線：縱貫鐵路。／ba-suh ：[巴士]／規氣：[乾脆]／kiat m7 著：[弄錯了]／khng3 ：[存放]／蝕重：sih8-tang7，失重。／phiN ：[佔便宜]／走精：走味去。／跟心：kin-sim，用心，專心。／晃hiaN2 ：心神無在。
─Siau Lah-jih
1999.07.01 歹竹出好筍；好竹出ku- lun2 。（ku-ku lun2-lun2，細支，彎彎曲曲那癮痀形，kiu-kiu 大be7 khit 來。）
台灣俗語鹹酸甜第一集出版後，有一e5 好朋友看了ka7 我講，hit 篇「歹竹出好筍」，論了誠有道理，頇慢人出有好囝孫，家己故謙講「歹竹出好筍」，是客氣話，若是beh ka7 別人o-lo2 嘛按呢講，he 著piN3-chiaN5 keng-the2 恥笑- - lou3 ，敢m7 是？
原來chit 位朋友kap Siau,Lah-jih 共款古意兼條直，be7 曉膨風，be7 曉臭彈，人煞叫是伊飯桶，可是人伊三e5 囡仔攏教keh 誠舒適，chiau5-chiau5 大學出業閣有好頭路，囝gau5 .父母行路著會taN 頭，了解e5 人攏嘛o-lo2 這位朋友gau5 教囝，卻是有一位朋友，見面著ka7 講：趙- - e5 ，你實在是「歹竹出好筍」，有夠福氣- - neh ！一擺按呢講，兩擺嘛按呢消遣，三擺有影hou7 人感覺是leh ge-se2，莫怪我chit-e5 朋友會憤慨，講hit-e5 朋友敢知影人是leh 按怎教育家己e5 子弟？
「歹竹出好筍」，囝gau5 父無gau5 ，「好竹出ku-lun2 」，著是父khiang3 囝頇慢- - lo3 。囝比父卡gau5 ，人講是後進，囝比父卡頇慢，當然是倒kiu ，不長進，生著chit 款囝上心憂，也無hat8 伊食，也m7 是無leh ka7 教，伊著是be7 大漢，be7 像In 父按呢gau5 、khiang3 、將才閣有水準。
「好竹出ku-lun2 」，啥麼是ku-lun2 ？著小解說一下：ku .著是龜，『烏龜』e5 龜，抑是昆蟲類龜仔e5 龜，有細、小e5 意思，所以ku .著是指『畏畏縮縮』，細細、小小m7 成物；另外，ku .嘛會使講做癮痀e5 痀，曲痀曲痀e5 模樣，m7 成筍ku-a2 攏是彎曲be7 大支；lun2 .著是忍，吞忍m7 敢發揮，驚驚be7 著一等，所以好筍一直大，大kah 變成竹，ku-lun2 e5 bai2 筍自然變筍龜仔。
「好竹出ku-lun2 」，嘛是不得已，敢會使得m7 chhap - - 伊，親像對待物件按呢無愛ka7 放棄？自然法則本成著充滿不定數，無常e5 人生，好bai2 無定論，mai3 執著上要緊，人講囝若戇，父就慘，生著頇慢囝，序大人有影卡鬱卒，beh 如何？只好閣卡用心來ka7 教，教hou7 伊mai3 做歹，教 hou7 伊家己會曉生活，歡歡喜喜過一生。
註：m7 成筍仔叫ku-lun2，m7 成雞仔囝叫ut-keh （屈骼），m7 成果子著是hat8-a2 （乏，欠缺滋養），攏是m7 成物，不成器。
【註解】：
keng-the2 ：諷刺消遣。／恥笑：thi2-chhio3。／臭彈：chhau3-toaN7。／人煞叫是：[人家卻以為]／飯桶：頇慢，會曉食飯be7 曉工作。／chiau5-chiau5 ：真齊全。／好頭路：好職業。／taN 頭：[抬頭]／ge-se2 ：講話諷刺。／khiang3 ：強，gau5 ，[能幹]／ hat8 ：欠缺。／將才：chiang3-chai5。／『烏龜』：台語叫做龜，be7 使chit 講¢-ku ，¢-kui。／昆蟲：khun-thiong5。／筍ku-a2 ：細支m7 成物e5 筍仔，筍龜，是[天牛]／m7 chhap - - 伊：[不理他]／序大人：父母。序大是長輩。／hat8-a2 ：另外一e5 意思，是牽hat8-a2 。
─Siau Lah-jih
|
|
|
